Minnerheitensekretariat

Minnerheitenraat

Wat wi maakt

De Minnerheitenraat vun de veer autochthonen natschonalen Minnerheiten un Volksgruppen in Düütschland kümmert sik üm allens dat, wat de veer autochthonen natschonalen Minnerheiten angeiht. To de Minnerheiten in Düütschland höört de Dänen, de Fresen, de düütschen Sinti un Roma un de Sorben ut de Lausitz to. De Raat maakt sik stark, dat de Minnerheiten Stütt kriegt un schützt warrt. Bi de Bunnsregeren un den Düütschen Bunnsdag steiht de Minnerheitenraat för dat in, wat wichtig is för de veer Minnerheiten. He vermiddelt twüschen de Minnnerheiten un snackt mit een Stimm för de veer Gruppen. För all jümehr Organisatschonen bringt he tohoop to Poppier, wat se to de wichtigen Punkten seggt. Bi sien Arbeit stellt de Minnerheitenraat düsse Themen bavenan:

  • In’t Grundgesetz vun de Bunnsrepublik Düütschland schall en Minnerheitenartikel för de veer anerkennten natschonalen Minnerheiten opnahmen warrn. 
  • He passt op, dat de Bund all sien Plichten inhöllt, de he mit dat "Rahmenübereinkommen zum Schutz nationaler Minderheiten" un mit de Europääsch Charta vun de Regional- oder Minnerheitenspraken ingahn is. 
  • He maakt mit, wenn en Vörslag för en Gesetz op den Weg bröcht warrt, dat för de Minnerheiten gellt. Un dor informeert he de Minschen över. 
  • Mit sien Politik in de Region will he dor för instahn, dat de Minnerheiten in jümehr Heimat nich ünnergaht. 
  • He deit dor allens för, dat de Bund ok in Tokunft Geld gifft för de Minnerheiten.
  • He gifft Stütt, dat Spraak un Kultur vun de Minnerheiten lebennig blievt.
  • As Middelsmann twüschen de Minnerheiten passt he op, dat jede Grupp weet, wat bi de anner Gruppen los is.

To den Minnerheitenraat höört dorto: de Vörsitters un twee Lüüd vun de veer Minnerheiten: 

De Reeg na is jümmers een Vertreder vun een Minnerheit de Vörsitter vun den Minnerheitenraat. Un dat gellt denn för een Johr. Tominnst twee Maal in’t Johr kümmt de Minnerheitenraat tohoop.

Dat Minnerheitensekretariat in Berlin grippt den Minnerheitenraat bi sien Arbeit ünner de Arms.

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!