Manerheedekontoor

Di manerhäiderädj foon da fjouer autochtoone nasjonååle manerhäide än följskfloose önj Tjüschlönj gungt ma grünbelånge foon da fjouer autochthoone nasjonååle manerhäide am: da dånsche önj Söödslaswig, da frasche, da tjüsche Sinti än Roma, än da Lausitzer Sorbe. Di rädj seet ham for jare stipe än schööl in än stoont tuhuupe in for jare inträse inouer e bundesregiiring än di tjüsche bundesdäi. 

Di rädj stimt twasche da manerhäide ouf än hålt fååst, wat ja tuhuupe for en hüüljing tu aktuäle teeme heewe, for ålem stoont önj e mal:

• Dåt en manerhäideartiikel for da fjouer önjerkånde manerhäide in önjt Grundgesetz for Tjüschlönj kamt,
• Dåt huum deeram snååkt än wååret, weertu di bund ham for dåt europäisch roomeoueriinjkaamen for di schööl foon nasjonååle manerhäide än jü europäisch charta foon da regjonåål än manerhäidespräke ferplaachted heet,
• Dåt di rädj beschiis deet ouer naie gesätse foon e bundesdäi, weer dåt am manerhäide gungt, än deerbai mamååget,
• en aktraktiif regjonåålpolitiik, wat deerfor sörjit, dåt da manerhäide widre önj jare hiimstoun laawe koone, 
• Dåt e finansjel stipe foon di bund for da manerhäide sääkerd än stääwid wårt,
• dåt e spräke än kultuur foon da manerhäide plääged wårt än graie koon än 
• heelpe, dåt da manerhäide foon enouder åles tu waasen foue 

Tu di manerhäiderädj hiire: da formååns än twäär ferträäsere foon da fjouer manerhäideforiininge:

• Sydslesvigsk Forening (SSF)
• Sentråålrädj foon da tjüsche Sinti än Roma
• Domowina – Zwjazk Łužiskich Serbow z.t. – Zwězk Łužyskich Serbow z.t. – Bund Lausitzer Sorbe e.V.
• Frasche Rädj/Friesenrat Sektion Nord

Huum formoon foon di manerhäiderädj as, gungt trinam, weerbai en arks manerhäideforiining di formoon for tou iir stalt.

Di manerhäiderädj seet ham tumandst tou tunge tuhuupe.

Dåt manerhäidekontoor  in Berlin stipet di manerhäiderädj bai inhüüljlike än organisatoorische kääre.