Manerheedekontoor

Di 18. August as dåt ålgemiin likbehoonlingsgesäts önj kraft trin (AGG) (huum seed uk antidiskriminiiringsgesäts). Dåt seet fjouer europäisch antidskriminiieringsruchtsnååre foon 2000 bit 2004 önj tjüsch rucht am.

Müülj foont AGG as, diskriminiiring aw grün foon rase, eetnisch jurtkamst, slacht, religjoon unti luuwe, behanering, åler unti seksuel orientiiring tu ferhanern unti ouftuschååfen (§ 1 AGG). Dåt gesäts räigelt da önjruchte än ruchtlike fülie foon e diskriminiiring bait årbe unti önjt siwiilrucht.

2006 as dåt antidiskriminiiringsgesäts önj kraft trin. Deereefter wörd en antidiskriminiiringsstää (ADS) inruchted. Jü as ünoufhängi än for enarken, wat foon diskriminiiring drååwed as, deer. Jü ADS än har apgoowe san önjt „antidiskriminiiringsgesäts“ fååstläid än like da EU likbehoondlingsruchtsnååre. Enarken koon ham tut ADS wiinje än ham berädje lätje, wan hi unti har diskriminiird wårt unti aw heelp önjwised as.

E ADS heet en bairädj ma ferträäsere foon seelschaplike floose än eksperte, wat jam ütkåne bai frååge foon tubeegseeten. Apgoowe foon e bairädj as, e ADS tu berädjen, wan beruchte än ruchtsliike tu di Bundesdäi gunge; än hi mååget äine forsliike tu waasenschaplike unersäkinge. Lasmoot as Romani Rose, formoon foon di sentråålrädj tjüsche Sinti än Roma. Hi wårt foon Judit Šołćina / Judith Scholze fertrin, wat liidjer foont manerhäidekontoor foon da fjouer autochtoone nasjonååle manerhäide as.

Wichtie apgoowe foon arken aktöör as, dåt mör manschne et ålgemiin likbehoonlingsgesäts kåne än mör tu waasen foue ouer jü årbe foon e antidiskriminiirungsstää (ADS). Wat e diskriminiirung foon da autochtoone nasjonååle manerhäide önjgungt, stoont dåt önj e mal foont årbe foont manerhäidekontoor.

Mör informasjoone:

Dåt ålgemiin likbehoonlingsgesäts önjt neet

Mör informasjoone tut gesäts aw da side foon e antidiskriminiiringsstää foon e Bund (ADS)