Kogo zastupujomy?
Łužyske Serby
Pó pówoblicneju twóri něźi 60.000 luźi źinsa serbski lud. Wóni su žywe jano w Nimskej, a to w Górnej Łužycy (Lichotny stat Sakska) ako Górne Serby a w Dolnej Łužycy (Bramborska) ako Dolne Serby.
Lud Serbow, spocetne słowjańske rody na dłujken zajtšu Karpatow, jo pśišeł pśed něźi 1.500 lětami do stronow mjazy Baltiskim mórjom a Rudnymi górami. We Łužycy jo mógał swóju kulturelnu swójoraznosć pśez wjele stow lět pó źělach zachowaś a wuwijaś – pśetergnjone mjazy drugim pśez politiku nacionalsocialistow. Dajo dwě serbskej rěcy: górnoserbšćinu a dolnoserbšćinu, kótarejž se až do źinsajšnego we wjele familijach a we wšednem žywjenju powědaju. Pśedewšym dolnoserbska rěc jo pśez wóteměranje wobgrozone.
Pódla pomjenjowanja Serby se pśedewšym w Dolnej Łužycy w nimskej rěcy teke oficielnje wužywa starše zapśimjeśe “Wenden”. Toś to zapśimjeśe póchada wót romskich historiografow, kenž su tegdy jim njeznate rody na pódzajtšu ze zapśimjeśim “Veneti” pomjenili, z cogož jo pózdźej w nimskej rěcy zapśimjeśe “Wenden” nastało.
W lěśe 1912 załožona Domowina – Zwězk Łužyskich Serbow z.t. ze sedłom w Budyšynje jo politiski njewótwisny kšywowy zwězk serbskich towaristwow.
Dalejwjeduce linki:
- Pśeglěd wó łužyskich Serbach
- Domowina
- Załožba za serbski lud
- Serbski institut
- Rěcny centrum WITAJ
- Ludowe nakładnistwo Domowina
- Serbski ludowy ansambl
- Němsko-Serbske ludowe dźiwadło
- Serbski muzej Budyšin
- Serbski muzej Chóśebuz
- Sakska Serbska kazń online
- Kazń k wugótowanju pšawow Serbow w Bramborskej
- Zwězkowe ministarstwo nutśikownego wó Łužyskich Serbach