Koho zastupujemy?
Danska mjeńšina
Hranica mjez Schleswigsko-Holsteinskej a Danskej je lědma pytnyć: Wjele ludźi rěči němsce a dansce. W najsewjernišim němskim zwjazkowym kraju je po trochowanjach něhdźe 50.000 přisłušnikow danskeje mjeńšiny z němskim staćanstwom žiwe. Derje organizowani tworja woni móst k našej susodce Danska.
Woni bydla předewšěm w hraničnym měsće Flensburg kaž tež w sewjernym dźělu wokrjesa Rendsburg-Eckernförde. Danska mjeńšina pomjenuje swój sydlenski teritorij jako Južnoschleswigska. Nawopak je w Sewjeroschleswigskej w kralestwje Danska němska mjeńšina žiwa.
Dźakowano wulkej ličbje sylnych a samostatnych organizacijow móže danska mjeńšina swoje hódnoty a tradicije pěstować. Sydslesvigsk Forening (SSF) – Južnoschleswigske towarstwo – je jich hłowna kulturna organizacija. Ze swójskej stronu, Južnoschleswigskim wolerskim zwjazkom (SSW), je danska mjeńšina w Schleswigsko-Holsteinskim krajnym sejmje a wot wólbow do krajneho sejma 2012 z ministerku w Kielskim krajnym knježerstwje zastupjena.
„Europska politika je mjeńšinowa politika“
Danska mjeńšina ma za wažne, zo so kóždemu čłowjekej swobodna wólba narodnosće a kultury přizwola. Tale wólba měła so jako demokratiski zakładny princip w přezjednosći z Ramikowym dojednanjom za škit narodnych mjeńšinow Europskeje rady a Europskeje charty regionalnych abo mjeńšinowych rěčow respektować. Tak postuluje danska mjeńšina: „Europska politika je mjeńšinowa politika a mjeńšinowa politika je europska politika“.
Dale wjeduce linki:
- Sydslesvigsk Forening
- Südschleswigscher Wählerverband (SSW)
- Sydslevigsk danske Ungdomsforeninger (Danske młodźinske zwjazki w Južnoschleswigskej)
- Dansk Skoleforening for Sydslesvig (Danske šulske towarstwo)
- Dansk Centralbibliotek for Sydslesvig (Danska centralna biblioteka)
- Dansk Kirke i Sydslesvig (Danska cyrkej w Južnoschleswigskej)
- Dansk Sundhedstjeneste for Sydslesvig e.V. (Danska strowotniska słužba)
- Flensborg Avis (dansko-němski dźenik)
- Staatna kenclija Schleswigsko-Holsteinskeje: ćežišćo mjeńšinowa politika
- Zwjazkowe nutřkowne ministerstwo wo danskej mjeńšinje