Mjeńšinowa rada štyrjoch awtochtonych narodnych mjeńšinow a ludowych skupin Němskeje
DOMOWINA – Zwjazk Łužiskich Serbow z.t. – Zwězk Łužyskich Serbow z.t.
Domowina ze sydłom w Budyšinje je politisce njewotwisny a samostatny zwjazk Serbow a třěšny zwjazk serbskich towarstwow Hornjeje a Delnjeje Łužicy. Wona je zastupnica zajimow serbskeho ludu a skutkuje předewšěm w serbskim sydlenskim rumje Kraja Braniborskeje a Swobodneho stata Sakskeje.
Z časa swojeho załoženja w lěće 1912 zasadźa so Domowina za zdźerženje, wuwiće, spěchowanje a rozšěrjenje hornjo- a delnjoserbskeje rěče, kultury a tradicijow serbskeho ludu. Jako třěšna organizacija zjednoća a podpěruje wona Serbow a serbske towarstwa w jich dźěle a zastupuje jich zajimy w zjawnosći, napřećo parlamentam a institucijam a zarjadam na runinje komunow, wokrjesow, krajow a Zwjazka kaž tež na mjezynarodnej runinje.
Zastupjerjo w Mjeńšinowej radźe su:
za Hornjoserbow Dawid Statnik a Judit Šołćina
a za Delnjoserbow Kito Ela.
Dawid Statnik (*1983)
Předsyda Domowiny – Zwjazka Łužiskich Serbow z.t.
- mišter za techniku zarjadowanjow w fachowym wobłuku jewišćo/studijo
Towaršnostny angažement:
- 2007-2009 čłon předsydstwa serbskeho młodźinskeho towarstwa Pawk z.t.
- wot 2009 čłon Zwjazkoweho předsydstwa Domowiny
- wot 2011 předsyda Domowiny
- wot 2013 čłon zhromadźizny Sakskeho krajneho wustawa za priwatny rozhłós a nowe medije (SLM)
- wot 2013 čłon dialogoweho foruma Federalistiskeje unije europskich narodnych skupin (FUEN) z Europskim parlamentom a dalšimi europskimi institucijemi
Judit Šołćina (*1979)
Jednaćelka Domowiny
- 2012-2015 projektowa nawodnica europskeje rěčneje kampanje za wjacerěčnosć a rěčnu mnohotnosć – language diversity
- 2013-2021 wjednica Mjeńšinoweho sekretariata štyrjoch awtochtonych narodnych mjeńšinow/ludowych skupin Němskeje w Berlinje
Towaršnostny angažement:
- 1998-2000 čłonka předsydstwa serbskeho młodźinskeho towarstwa Pawk z. t.
- 2000-2002 a 2003-2005 čłonka prezidija Młodźiny europskich narodnych skupin (MENS)
- 2013-2017 městopředsydka Domowiny
- wot 2015 čłonka Towarstwa za spěchowanje serbskeho kulturneho a informaciskeho srjedźišća SKI w Berlinje
Kito Ela (*1949)
Čłon zwjazkoweho předsydstwa Domowiny
- wotrostł w Komorowje pola Rakec (Hornja Łužica/Sakska)
- bydli wjace hač 40 lět w Delnjej Łužicy
- wučer za fyziku a matematiku
Powołanski puć a towaršnostny angažement:
- wot 1971 wučer
- 1985-1990 wjednik Serbskeje rozšěrjoneje wušeje šule Chóśebuz
- 1998-2001 wědomostny sobudźěłaćer Serbskeho šulskeho towarstwa z.t.
- 2001-2011 nawoda delnjoserbskeje wotnožki Rěčneho centruma WITAJ
- wulke zasłužby při rewitalizaciji serbskeje rěče w Delnjej Łužicy
- čłon Zwjazkoweho předsydstwa Domowiny
My pola Facebook