Minderhaidenkontoor

Minderhaidenräid

Wät deer däin wät

Die Minderhaidenräid fon do fjauer autochtoone natsionoale Minderhaiden un Foulkstrupele in Düütsklound bifoatet sik mäd dät Gruundoungungen fon do fjauer autochtoone natsionoale Minderhaiden: do Däänske in Suudsleswig, do Fräisen, do düütske Sinti un Roma un do Lausitzer Sorben. Die Räid sät sik foar hiere Stöän un Sküül ien un stoant touhope ien foar hiere Inträssen juunuur ju Buundesregierenge un dän Düütsken Buundesdai. 

Die Räid stämt twiske do Minderhaiden ou un hoalt fääst, wät jo touhope foar een Meenenge tou aktuelle Temen häbe, buppedeem stoant hie deerfoar:

  • Dät die Minderhaidenartikkel foar do fjauer anärkoande Minderhaiden in ju Gruundwätte (Grundgesetz) fon Düütsklound kumt ,
  • Dät jo deeruur bale un appaasje, wiertou sik die Buund him juunuur in dät Romenuureenkumen tou´n Sküül fon natsionoale Minderhaiden un in ju europäiske Charta fon do Regionoal- un Minderhaidensproaken ferplichted häd, 
  • Dät die Räid Beskeed tält uur näie Wätte fon dän Buundesdai, wier dät uum Minderhaiden gungt, un deerbie meetoankt un tou biedrächt,
  • Een stiftige Regionoalpolitik, ju deerfoar suurget, dät do Minderhaiden in hiere Hemat foutbestounde konnen, 
  • Dät die Stöän mäd Jäild fon dän Buund foar do Minderhaiden sichert un fääst toutält wät,
  • Dät ju Sproake un Kultur fon do Minderhaiden pleged wäide un jo groaie konnen, 
  • Dät Hälpen, dät do Minderhaiden fon eenuur alles tou wieten kriege, inne Midde stoald wäd. 

Tou dän Minderhaidenräid here: do Boase un ferdoun twäin Fertreder fon do fjauer Minderhaiden:

Wäl Boas fon dän Minderhaidenräid is, gungt de Riege ätter, wierbie älke Minderhaidenfereen dän Boas foar ju Duur fon een Jier stoalt. Die Minderhaidenräid sät sik toumindst two Moal tousoamen un berät mädnonner.

Dät Minderheitensekretariat in Berlin stöänt ju Oarbaid fon dän Minderhaidenräid inhaltlik un mäd ju Organizatsion. 

Moin!

Wutrobnje witajće!

Hjertlig velkommen!

Latscho Diewes!

Hartlik wäljkiimen!

Witajśo k nam!

Herzlich Willkommen!

Welcome!