Minnerheitenraat vun de veer autochthonen natschonalen Minnerheiten un Volksgruppen in Düütschland
De Zentraalraat vun de Düütschen Sinti un Roma
De Zentraalraat vun de Düütschen Sinti un Roma hett sik in’n Februar 1982 grünnt. As Dackverband vun 17 Lannsverbänn hangt he vun keen un nix af. Bi de Börgerrechten un in de Politik steiht he in för de Düütschen Sinti un Roma. Tohuus is de Verband in Heidelberg. De Zentraalraat sett sik dor för in, dat de Sinti un Roma desülvigen Rechten in de Politik un in de Gesellschaft hebbt as all de annern Gruppen ok. Un he verlangt: as natschonale Minnerheit mööt de Sinti un Roma Schutz kriegen un ünnerstütt warrn.
In sien Arbeit för de Börgerrechten hett he to doon mit dat „Rahmenübereinkommen zum Schutz nationaler Minderheiten“ un mit de Fraag, woans dat in Düütschland ümsett warrt. Dor för höllt de Zentraalraat de ganze Tiet Kuntakt mit de Bunns- un Lannsregeren. För de Düütschen Sinti un Roma hett de Zentraalraat in’n Mai 1995 dörsett, dat de Sinti un Roma na dat Gesetz as natschonale Minnerheit gellt. För dat düütsche Romanes hett he dat schafft, de Spraak as Minnerheitenspraak na de Europääsch Charta vun de Regional- oder Minnerheitspraken vun den Europaraat dörtosetten. He hölpt mit, dat Minschen, de den Holocaust överleevt hebbt, sik drepen köönt, sett sik dor för in, dat Graffsteden vun Sinti un Roma, de in de NS-Tiet verfolgt worrn sünd, pleegt warrt un he organiseert Touren na historische Gedenksteden in’t Binnen- un Butenland.
Internatschonaal steiht de Zentraalraat för de Sinti un Roma in, wenn de EU, de Europaraat un de OSZE Kunferenzen to dat Thema maakt, un he is bi en ganze Reeg Minnerheitenorganisatschonen mit bi.
- Hen na de Homepage vun den Zentralraat vun de Düütschen Sinti un Roma
- Mehr över de Düütschen Sinti un Roma
In den Minnerheitenraat sitt Romani Rose un Herbert Heuss för de Düütschen Sinti un Roma.
Romani Rose (* 1946)
Vörsitter vun den Zentraalraat vun de Düütschen Sinti un Roma
- bet 1982 Koopmann mit egen Geschäft
- Aktivist för Börgerrechten
- vun 1982 op an Vörsitter vun den Zentraalraat vun de Düütschen Sinti un Roma
Sien Weg in Profeschoon un sien Arbeit för de Gesellschaft:
- siet 1991 Geschäftsföhrer vun dat Dokumentatschoons- un Kulturzentrum vun de düütschen Sinti un Roma in Heidelberg
- Liddmaat in dat Direktorium vun de Internatschonale Bewegung gegen Diskriminerung un Rassismus (IMADR), de 1988 in Tokio grünnt worrn is
- In’n Mai 1995 hett Rose tohoop mit de Verenen vun den Zentraalraat dat schafft, dat de Düütschen Sinti un Roma as natschonale Minnerheit in Düütschland mit en egen Spraak anerkennt warrt un Stütt kriegt; se schüllt desülvigen Rechten hebben in de Gesellschaft un de Politik as all de annern Gruppen ok.
- Vunwegen sien internatschonal Wark hett de Regeren vun Polen Rose an’n 29. Mai 2006 as eerste Vertreder vun de Sinti un Roma to en Liddmaat maakt vun den Internatschonalen Auschwitz-Raat
- Liddmaat vun den Biraat vun de Antidiskriminerungssteed (ADS) vun den Bund, vun de Kuratorien bi de Kulturstiften vun den Düütschen Footballbund (DFB) un vun de Manfred-Lautenschläger-Stiften.
Herbert Heuss (*1954)
Wetenschaftlich Leit vun den Zentraalraat vun de Düütschen Sinti un Roma
- Politikwetenschaftler
Sien Weg in Profeschoon un sien Arbeit för de Gesellschaft:
- Siet 1981 mit dorbi, dat de Zentraalraat vun de Düütschen Sinti un Roma op de Been stellt worrn is; laterhen bi’t Planen un Ümsetten vun dat Dokumentatschoons- un Kulturzentrum vun de Düütschen Sinti un Roma mit bi, bet 1992 harr he dor ok dat wetenschaftlich Leit
- 1992-2009 as free‘e Konsulent in Süüdoosteuropa: He hett Projekten plaant un ümsett, bi de Roma-Gruppen vör Ort Stütt kregen hebbt
- Siet 2009 wedder in Düütschland bi den Zentraalraat vun de Düütschen Sinti un Roma
- En Reeg vun Veröffentlichungen to de NS-Tiet un to de Laag vun de Roma in Europa
Jara Kehl (*1976)
Politische Referentin des Zentralrates Deutscher Sinti und Roma
- Politikwissenschaftlerin
Studium der Politikwissenschaften an der Freien Universität in Berlin. Danach Tätigkeit für verschiedene Migrantenselbstorganisationen in Berlin. Unter anderem Leitung des beim Kurdistan Kultur und Hilfsverein e.V. angesiedelten Teilprojektes "bridge" – Berliner Netzwerke für Bleiberecht. Seit 2011 Politische Referentin des Zentralrates Deutscher Sinti und Roma in Heidelberg und dort zuständig für die Konzeption und Durchführung von Initiativen zur Minderheitenpolitik für die Anerkennung, Förderung und den Schutz der deutschen Sinti und Roma als nationale Minderheit.
Wi bi Facebook